Vil du vere med på noko litt annleis i kyrkja?
7.-8. november inviterer Kyrkja i Sogndal til ei kjekk Lys Vaken-helg for deg som er 10 og 11 år. Me skal vere på Stedjetunet og i Stedje kyrkje.
Foto: Den norske kirke/Arneberg/Von kommunikasjon
PÅMELDING KJEM HER: https://minpamelding.agrando.no/?skjemaId=231bb08f-b887-438c-b848-e35beb36f8fd
KVA:
Lys vaken handlar om å vere vakne for kvarandre, verda, seg sjølv og Gud.
Det vert pizza, film, leik, bibelforteljing, drama, song, og lys i mørket på laurdagen.
Søndagen er det Sprell-levande-Lys-vaken-gudsteneste i Stedje kyrkje kl.11.00, der me får vise fram noko av det me har gjort på laurdagen. Det vert Lys Vaken - kor og kyrkjekaffi. Etterpå kan dei som vil få vere med opp i tårnet og sjå kyrkjeklokkene, eller til galleriet og få sjå korleis orgelet i kyrkja virkar.
KVEN:
Alle 10- og 11-åringar er hjarteleg velkomne med på alt. Ein treng ikkje vere døypt eller medlem i kyrkja for å melde seg på.
Familie, fadrar og alle kjente er velkomne på gudstenesta, søndag kl. 11.00. 5-åringar særleg inviterte.
KVAR:
Stedjetunet (Kyrkjevegen 6) og Stedje kyrkje i Sogndal.
PRIS:
Kr. 100. Vipps til #77448 (LysVaken Sogndal og Leikanger).
PÅMELDING: Innan onsdag 4.11.26.
PS: Det vert ikkje overnatting, slik det har vore tidlegare. Alle søv og et frukost heime. Så møtest me att til gudsteneste søndagen.
|
Lat telefonen ligge att heime.
|
PROGRAM:
Laurdag 7.11.:
- 15.00: Oppmøte, registrering, bli kjende på Stedjetunet
- 15.30: Pizzafest
- 16.00: Film, popkorn og filmprat.
- 18.00: Diverse aktivitetar i Stedje kyrkje.
- 20.00: Kveldsmat på Stedjetunet.
- 20.30: Avslutningssamling på Stedjetunet.
- 21.00: Henting og takk for ikveld. Stedjetunet.
------------------------------------------------------------------------------------
Søndag 8.11.:
- 10.00: Oppmøte i KYRKJA. Øving på det me skal gjere.
- 11.00: Gudsteneste for heile familien der Lys vaken og barnekoret deltek med song, drama og anna, og femåringane får ei klistremerkebok. Kyrkjekaffi. Tårn- og orgel-safari. for dei som har lyst.
- 11-åringar som ikkje har fått Teikneseriebibelen, kan få den i gudstenesta.
-
Lys vakne leiarar:
- Prestestudent Maja Salomonsen
- Kyrkjetenar Bente Leirdal Sleen - tlf.45604249
- Kantor Hallgeir Øgaard Westli
- Studentar i praksis
- Kyrkjelydspedagog Birte Husum
- Frivillige frå kyrkjelyden
(Foto: Den norske kyrkja)
Foto: Birte Husum og Bente Leirdal Sleen. Frå Lys Vaken og kyrkjekino 2026. Popkorn, lystog i mørket, kyrkekino, lystenning i kyrkja.
Me gler oss, og håpar du kjem! Frist for påmelding er onsdag 4. november!
Medan du ventar kan du høyre på Lys våken-sangen og kanskje lære deg nokre dansetrinn om du vil.
Beste helsing kyrkjelydspedagog Birte Husum.
BH278@kyrkja.no.
TLF: 94798799